Cristante í baráttunni við Granit Xhaka í dag
Bryan Cristante leikmaður ítalska landsliðsins ræddi við Sky Sports á Ítalíu eftir að liðið féll úr leik á EM eftir tap gegn Sviss í 16-liða úrslitum í dag.
Cristante segir að líkamlegt form hafi gert gæfumuninn í dag.
„Það er ekki mikið sem við getum tekið út úr þessari frammistöðu, þeir voru miklu sterkari líkamlega og skipulagslega séð. Það er of snemmt að rýna í þetta, við áttum skilið að fara heim. Nú er tími til að hreinsa hugann og byrja upp á nýtt fyrir næsta tímabil með meiri ákveðni og orku," sagði Cristante.
„Það dregur úr þér alla andlega orku þegar það er svona mikill munur á skipulagi og leikstíl. Það er pirrandi þegar þú nærð ekki að framkvæma hlutina gegn liði sem hreyfir boltann svona vel."
Athugasemdir
