Nik Chamberlain þjálfari Breiðabliks var að vonum ánægður eftir 2-1 sigur liðsins gegn Þór/KA í undanúrslitum Mjólkurbikars kvenna í kvöld.
„Ég er mjög stoltur af stelpunum. Við vorum betra liðið og áttum sennilega að vinna þetta í venjulegum leiktíma. Fengum á okkur mark undir lok fyrri hálfleiks framlengingarinnar en stelpurnar sýndu frábært hugarfar að kára leikinn. Maður planar það ekkert að skora beint úr hornspyrnu en stelpurnar áttu þetta skilið," sagði Nik.
Breiðablik komst yfir í framlengingunni en Þór/KA náði að jafna fyrir hálfleik. Það tók Blikana ekki úr jafnvægi.
„Við ræddum það í hálfleiknum að staðan væri orðin aftur jöfn en það skipti ekki máli. Við þurftum bara að fara út í seinni hálfleikinn eins og við gerðum í fyrri, stjórna leiknum, fá tækifæri og við myndum þá vinna," sagði Nik.
Næsti leikur Breiðabliks er á Sauðárkróki gegn Tindastóli.
„Við munum halda áfram að vinna leiki. Við erum í þessu til að vinna leiki og berjast um titla. Við verðum bara að halda áfram og endurheimta því við eigum annan erfiðan leik á þriðjudaginn," sagði Nik.