![Lengjudeildin](/images/leng_150x150.png)
Grótta er án sigurs í síðustu sex leikjum sínum í Lengjudeildinni eftir 5-2 tap gegn Fjölni í heimsókn liðsins á Extravöllinn í Grafarvogi í dag en Chris Brazell og lærisveinar hans fögnuðu síðast sigri í deildinni þann 25.maí síðastliðinn er liðið lagði Leikni á Vivaldivellinum. Chris var til viðtals að leik loknum.
Lestu um leikinn: Fjölnir 5 - 2 Grótta
„Við einfaldlega töpuðum leiknum. Heilt yfir spiluðum við góðan leik og ég tel að Fjölnismenn geti jafnvel verið sammála mér um það. En þegar öllu er á botninn hvolft skiptir það engu máli og tapið er erfitt.“ Sagði Chris Brazell um leikinn sem Grótta tapaði eins og fyrr segir 5-2 eftir að farið með jafna stöðu 1-1 til hálfleiks.
Brazzell gaf lítið fyrir það að aðstæður hefðu um of litað leikinn og að þær væru engin afsökun fyrir nokkurn mann.
„Engar afsakanir, þeir léku við sömu aðstæður og við. Þeir tókust vel á við það og mér fannst við gera það líka.“
Líkt og áður segir er lið Gróttu sigurlaust í síðustu sex umferðum og hefur fallið nokkuð skarpt niður töfluna síðustu vikur eftir að hafa setið í þriðja sæti deildarinnar fyrir mánuði síðan. Hvað er hægt að gera til að snúa genginu við?
„Frá mínum sjónarhóli að bæta mig sem þjálfari. Ábyrgðin er mín sem þjálfara liðsins sem ég vel og þjálfa. Auðvitað eru það vonbrigði en ég hef tapað leikjum áður og átt slæm töp áður í hreinskilni oftar en sigrað. Kannski gerir það mig að tapandi þjálfara hver veit. En ég þarf að horfa inn á við, reyna að bæta mig og rífa strákanna upp og halda áfram að gefa þeim allt mitt.“
Sagði Chris en allt viðtalið við hann má sjá hér að ofan.
Athugasemdir