Spánverjar eru til alls líklegir á þessu móti.
Gunni Birgis og Jói Ástvalds spá í leikina.
Georgíumenn hafa komið á óvart á mótinu.
Sextán liða úrslitin á EM í Þýskalandi hófust í gær með tveimur mjög svo áhugaverðum leikjum. Þau halda áfram í dag en seinni leikur dagsins er á milli Spánar og Georgíu. Hann hefst klukkan 19:00.
Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Þeir spá um úrslit allra leikja í útsláttarkeppninni ásamt fulltrúa Fótbolta.net. Fyrir hárréttar lokatölur fást 3 stig en 1 stig ef rétt tákn er á leiknum.
Spámenn Fótbolta.net eru Gunnar Birgisson og Jóhann Páll Ástvaldsson, íþróttafréttamenn á RÚV, en þeir hafa báðir verið frábærir í umfjöllun í kringum mótið. Þeir spá um úrslit allra leikja í útsláttarkeppninni ásamt fulltrúa Fótbolta.net. Fyrir hárréttar lokatölur fást 3 stig en 1 stig ef rétt tákn er á leiknum.
Gunnar Birgisson
Spánn 4 - 1 Georgía
Besta lið mótsins á móti öskubuskuævintýri mótsins. Einstaklingsgæðin í liði Spánar einfaldlega of mikil fyrir þetta georgíska lið sem hefur heillað mann og annan á mótinu til þessa. Mamardashvili í markinu er minn maður en hann þarf að sækja boltann amk þrisvar úr netinu í dag.
Jóhann Páll Ástvaldsson
Spánn 2 - 0 Georgía
Georgíumenn hafa hrifið með sinni hráu orku. Sérstaklega Kochorashvili, sá hefur trúnna á eigin getu.
Spánverjar eru þó einfaldlega það sjóaðir í að mæta lágri blokk og því verður þetta öruggt. 2-0 fyrir lærisveina Lindar-Lúðvíks. Byrjunarliðið missir örlítið taktinn eftir hvíldina í síðasta leik (taktík sem ég hef aldrei verið hrifinn af) en gæðin koma þeim í átta liða. Morata með eitt í fyrri og Dani Olmo gerir út um leikinn í seinni.
Mikautadze fær ekki að henda í griddy fagnið sitt en skæruliðar Sagnol fara stoltir heim til Tbilisi.
Fótbolti.net - Jóhann Þór Hólmgrímsson
Spánn 4 - 0 Georgía
Þarna lendir Georgía harkalega á vegg. Spánverjar litið heldur betur vel út og vinna þetta sannfærandi.
Staðan:
Fótbolti.net - 4 stig
Gunni Birgis - 2 stig
Jói Ástvalds - 1 stig
Athugasemdir
