Ítalía og Sviss mætast í fyrsta leik 16-liða úrslita Evrópumótsins á Ólympíuleikvanginum í Berlín klukkan 16:00 í dag. Leikurinn er sýndur í beinni útsendingu á RÚV.
Luciano Spalletti, þjálfari Ítalíu, gerir sex breytingar á byrjunarliði sínu frá 1-1 jafnteflinu gegn Króatíu í lokaumferð riðlakeppninnar.
Gianluca Mancini, Nicolo Fagioli, Bryan Cristante, Federico Chiesa, Stephan El Shaarawy og Gianluca Scamacca koma allir inn í liðið í dag.
Federico DiMarco er meiddur og þá er Riccardo Calafiori í banni.
Aðeins ein breyting er gerð á landsliði Sviss. Silvan Widmer tekur út leikbann en Ruben Vargas kemur inn í hans stað.
Ítalía: Donnarumma; Di Lorenzo, Mancini, Bastoni, Darmian; Fagioli, Cristante, Barella; Chiesa, El Shaarawy, Scamacca.
Sviss: Sommer; Schär, Akanji, Rodriguez; Aebischer, Freuler, Xhaka, Rieder; Vargas, Ndoye, Embolo
Athugasemdir