Gunnar Birgisson

Þýskaland 3 - 2 Danmörk
Þetta verður besti leikur 16-liða úrslitanna. Danirnir verið skemmtilegir á þessu móti og Þjóðverjar líklega næst bestir á eftir Spáni. Andinn og heimavöllurinn mun klára þetta fyrir Þjóðvera eftir að Danir komast tvisvar yfir í leiknum þvert gegn gangi leiksins.

Jóhann Páll Ástvaldsson

Þýskaland 2 - 1 Danmörk
Danir eru ekki með nægilega mikla ógn fram á við, sama hvað sá dauði nær að skapa fyrir þá. Leikið á Westfalenstadion og Gundögan mun blómstra sem aldrei áður á sínum gömlu heimahögum. Þetta verður hans magnum opus.

Þjóðverjarnir hafa þó sýnt að það eru brotalamir til baka. Heimamenn vinna 2-1. Þýska partýið er ekki að fara að stöðvast strax - ekki gegn Dönum að minnsta kosti. Þjóðverjarnir í Jótlandi geta gjammað í Føtex daginn eftir.

Gundögan skorar í fyrri hálfleik. Jonas Wind jafnar í seinni hálfleik en Füllkrug setur hann af bekknum, sýnir sitt fallega fantaskarð og Major Tom ómar um allt Þýskaland. Þeir marsera áfram.

Fótbolti.net - Sæbjörn Steinke

Þýskaland 2 - 0 Danmörk
Þetta verður 4/7 eftir leikinn annað kvöld #FürToni.

Ég sé ekki annað en að þetta verði þægilegt fyrir mína menn, Eriksen í sérprógrami fyrir leik vegna aldurs og fyrri starfa, aðallega fyrri starfa. Höjlund hefur akkúrat ekkert getað og þýska vélin fékk fína áminningu í síðasta leik gegn Sviss. Við fáum mark frá varnarmanni og Fullkrug.