West Ham og Southampton ræða nú saman um tvo leikmenn en Kyle Walker-Peters gæti verið á leið til Lundúna á meðan Flynn Downes færi í hina áttina.
Walker-Peters er 27 ára gamall bakvörður sem er uppalinn hjá Tottenham en hefur verið á mála hjá Southampton síðustu ár.
Hann átti stórkostlegt tímabil er Southampton komst aftur upp í ensku úrvalsdeildina á síðustu leiktíð en er líklegast á förum í sumar.
West Ham hefur átt í viðræðum við Southampton um kaup á varnarmanninum, sem á aðeins eitt ár eftir af samningi sínum.
Flynn Downes, leikmaður West Ham, gæti þá farið í hina áttina, en Downes, sem er 25 ára gamall, eyddi einmitt síðustu leiktíð á láni hjá Southampton.
Samkvæmt Sky Sports eru viðræðurnar flóknar og gætu því félagaskiptin tafist í nokkra daga.
Athugasemdir