Enski landsliðsmarkvörðurinn Mary Earps hefur yfirgefið Manchester United en þetta staðfesti félagið með tilkynningu í dag.
Earps, sem er talin ein sú besta í heiminum, varð samningslaus eftir tímabilið.
Man Utd og Earps voru lengi vel í viðræðum um nýjan samning en aðilarnir náðu ekki saman.
Félagið greindi frá því í dag að Earps væri farin frá félaginu, en samkvæmt Le Parisien er hún á leið til Paris Saint-Germain í Frakklandi.
Earps verður launahæsti markvörður kvennafótboltans en búist er við að hún skrifi undir hjá PSG á næstu dögum.
Hún á að baki 50 landsleiki fyrir England og vann meðal annars Evrópumótið fyrir tveimur árum og komst þá í úrslitaleik heimsmeistaramótsins á síðasta ári.
Part of the United family, always ????
— Manchester United Women (@ManUtdWomen) June 29, 2024
We can't thank you enough for your service, Mary — best of luck with what's next ??#MUWomen
Athugasemdir