![Icelandair](/images/icelandair2_150x150px.png)
Það er enginn nátturulegur vinstri bakvörður í íslenska landsliðshópnum fyrir síðustu tvo leikina í undankeppni EM 2025. Rétt eins og var í síðasta hóp líka.
Guðrún Arnardóttir leysti stöðu vinstri bakvarðar í síðasta verkefni og gerði það vel, þá sérstaklega í seinni leiknum gegn Austurríki þar sem hún var frábær.
Guðrún Arnardóttir leysti stöðu vinstri bakvarðar í síðasta verkefni og gerði það vel, þá sérstaklega í seinni leiknum gegn Austurríki þar sem hún var frábær.
Sædís Rún Heiðarsdóttir og Áslaug Munda Gunnlaugsdóttir hafa báðar leyst stöðu vinstri bakvarðar eftir að Hallbera Guðný Gísladóttir lagði skóna á hilluna, og eru þær báðar mjög spennandi kostir.
En hvorug þeirra er í hópnum núna. Sædís, sem spilar með Vålerenga í Noregi, er að stíga upp úr meiðslum.
„Sædís er að komast í gang og þeir í Vålerenga ætla að koma henni hægt og rólega inn í þetta. Þau treysta því ekki að fóturinn hennar sé það klár í 90 mínútur að hún geti farið að taka þátt í landsleikjum sem er töluvert meiri ákefð í en deildarleikjum í Noregi. Það er töluverður munur þarna á milli. Við erum að fara að spila gegn Þýskalandi sem er eitt besta landslið í heimi. Ég ákvað það að gefa henni lengri tíma til að ná sér," sagði Þorsteinn Halldórsson, landsliðsþjálfari, á fréttamannafundi í dag.
Áslaug Munda hefur verið að spila með Breiðabliki í sumar, en hefur verið inn og út úr liðinu þar. Hún er að glíma við eftirköstin af slæmu höfuðhöggi.
„Það eru alltaf pælingar með Áslaugu Mundu en staðan á henni núna er bara ekki góð. Hún spilaði leikum daginn gegn Víkingi og var ekki með í síðasta leik vegna veikinda. Hún hefur ekki náð samfellu í því að koma sér af stað. Hún var ekki klár í það að taka þátt í þessu," sagði Þorsteinn en þær eru báðar virkilega öflugar.
Athugasemdir