Ísland fagnar sigri gegn Austurríki fyrr í þessum mánuði.
Mynd sem var tekin síðast þegar Ísland og Þýskaland mættust á Laugardalsvelli.
Fyrr í dag var landsliðshópur kvenna fyrir tvo síðustu leikina í undankeppni EM 2025 tilkynntur. Ísland mætir Þýskalandi á Laugardalsvelli föstudaginn 12. júlí og Póllandi ytra þriðjudaginn 16. júlí.
Ísland er í öðru sæti þegar tveir leikir eru eftir af undankeppninni. Tvö efstu liðin fara áfram beint í lokakeppni EM 2025, en Ísland er með þriggja stiga forskot á Austurríki. Þar sem Ísland er með betri árangur en Austurríki í innbyrðis viðureignum þá nægir Íslandi þrjú stig í síðustu tveimur leikjunum.
Ísland er í öðru sæti þegar tveir leikir eru eftir af undankeppninni. Tvö efstu liðin fara áfram beint í lokakeppni EM 2025, en Ísland er með þriggja stiga forskot á Austurríki. Þar sem Ísland er með betri árangur en Austurríki í innbyrðis viðureignum þá nægir Íslandi þrjú stig í síðustu tveimur leikjunum.
Ísland spilar fyrst við Þýskaland á Laugardalsvelli og getur tryggt sig inn á EM með sigri þar.
„Við förum í engan leik öðruvísi en að við ætlum að vinna hann. Það breytist ekkert þó við séum að spila fyrri leikinn við Þýskaland núna. Við ætlum að vinna Þjóðverja. Það er ekkert öðruvísi. Við erum ekki að fara að bíða neitt eftir seinni leiknum," sagði Þorsteinn Halldórsson, landsliðsþjálfari Íslands, á fréttamannafundi í dag.
Leikurinn gegn Þýskalandi fer fram á skrítnum tíma en hann byrjar klukkan 16:15 af einhverri ástæðu.
„Þetta er mjög hentugt fyrir okkur sem erum að spila leikinn og undirbúa hann. Það er leiðinlegast sem þú gerir að hanga og bíða eftir fótboltaleik allan daginn. Fyrir okkur er þetta frábær tími og líka upp á endurheimt," sagði Þorsteinn en bætti við:
„Ég skil alveg umræðuna um það að þetta sé ekki draumatímasetning fyrir fólk sem ætlar að mæta á völlinn en ég vona að stytting vinnuvikunnar komi vel inn þarna."
Það verður gaman að sjá hvort Ísland nái að tryggja sig inn á EM í þessum tveimur leikjum. Það er vonandi að það gerist.
Athugasemdir
