Þýska félagið Union Berlín hefur gengið frá kaupum László Bénes frá Hamburger SV.
Bénes er 26 ára gamall miðjumaður sem á áttir að rekja til bæði Slóvakíu og Ungverjalands.
Hann er fæddur og uppalinn í Slóvakíu en hefur síðustu átta ár spilað í Þýskalandi.
Bénes hefur spilað með Borussia Mönchengladbach, Holsten Kiel og Augsburg. Fyrir tveimur árum samdi hann við Hamburger SV þar sem hann hefur blómstrað, en það skilaði honum aftur í landslið Slóvakíu fyrir Evrópumótið.
Miðjumaðurinn hefur spilað einn leik með Slóvökum á Evrópumótinu til þessa en þjóðin mætir Englandi í 16-liða úrslitum á sunnudag.
Sumarið hefur verið honum ansi gott til þessa en hann hefur nú samið við Union Berlín í efstu deild í Þýskalandi. Union hafnaði í 15. sæti deildarinnar en félagið bjargaði sér frá falli á lokasprettinum.
Danke, Laci! ????????
— Hamburger SV (@HSV) June 28, 2024
Unsere Nummer 8?? verlässt uns nach 2 Jahren, 64 Spielen, 21 Toren und 21 Vorlagen. Wir danken dir für deinen Einsatz und wünschen dir für die Zukunft nur das Beste! ????
????? Laszlo #Benes: „Ich bin sehr stolz darauf, für einen der größten Vereine in Deutschland… pic.twitter.com/lxJFBt4wWv
Athugasemdir