FJórir leikir fóru fram í 3. deild karla í kvöld. Augnablik missti af góðu tækifæri til að komast á toppinn og þá skoraði Björgvin Stefánsson fjórða mark sitt í deildinni í 2-1 sigri KFK á Elliða.
Augnablik var fyrir leikinn gegn Árbæ með 18 stig og átti möguleika á að tylla sér á toppinn. Arnar Laufdal Arnarsson skoraði snemma leiks, hans áttunda mark á tímabilinu.
Andi Andri Morina jafnaði metin eftir rúman hálftíma áður og skoraði Aron Breki Aronsson sigurmark Árbæingar þegar tíu mínútur voru eftir af leiknum.
Árbær hafði 2-1 sigur og er nú í 4. sæti með 17 stig, einu á eftir Augnablikum sem eru í 3. sæti með 18 stig.
Björgvin Stefánsson skoraði fyrra mark KFK í 2-1 sigri á Elliða, en hann skipti yfir í liðið fyrir tímabilið. Áður spilaði hann með Þrótti V, Haukum, KR, Val og BÍ/Bolungarvík.
Alejandro Lechuga gerði annað mark KFK áður en Pétur Óskarsson minnkaði muninn úr vítaspyrnu undir lok leiks.
KFK er í 7. sæti með 12 stig en Elliði í 6. sæti með 13 stig.
Dagur Óli Grétarsson gerði bæði mörk ÍH í 2-1 sigri á Vængjum Júpiters. Sigurmarkið gerði hann úr vítaspyrnu á 90. mínútu leiksins. ÍH er í 9. sæti með 10 stig en Vængirnir í næst neðsta sæti með 7 stig.
Einar Már Þórisson skoraði þá tvívegis í 3-0 sigri KV á Hvíta riddaranum í Mosfellsbæ. Agnar Þorláksson gerði þriðja mark KV, en öll mörkin komu á fyrsta hálftíma leiksins.
Þetta var annar sigur KV á tímabilinu en liðið er í neðsta sæti með 6 stig á meðan Hvíti riddarinn er í 10. sæti með 9 stig.
Úrslit og markaskorarar:
KFK 2 - 1 Elliði
1-0 Björgvin Stefánsson ('17 )
2-0 Alejandro Barce Lechuga ('59 )
2-1 Pétur Óskarsson ('88 , Mark úr víti)
Vængir Júpiters 1 - 2 ÍH
1-0 Aðalgeir Friðriksson ('24 )
1-1 Dagur Óli Grétarsson ('29 )
1-2 Dagur Óli Grétarsson ('90 , Mark úr víti)
Árbær 2 - 1 Augnablik
0-1 Arnar Laufdal Arnarsson ('11 )
1-1 Andi Andri Morina ('32 )
2-1 Aron Breki Aronsson ('80 )
Hvíti riddarinn 0 - 3 KV
0-1 Einar Már Þórisson ('7 )
0-2 Einar Már Þórisson ('14 , Mark úr víti)
0-3 Agnar Þorláksson ('26 )
3. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Kári | 9 | 6 | 2 | 1 | 29 - 14 | +15 | 20 |
2. Víðir | 9 | 5 | 3 | 1 | 32 - 13 | +19 | 18 |
3. Augnablik | 9 | 6 | 0 | 3 | 23 - 11 | +12 | 18 |
4. Árbær | 9 | 5 | 2 | 2 | 20 - 17 | +3 | 17 |
5. Magni | 9 | 4 | 3 | 2 | 12 - 12 | 0 | 15 |
6. Elliði | 9 | 4 | 1 | 4 | 15 - 22 | -7 | 13 |
7. KFK | 9 | 4 | 0 | 5 | 18 - 23 | -5 | 12 |
8. Sindri | 9 | 3 | 1 | 5 | 19 - 19 | 0 | 10 |
9. ÍH | 9 | 3 | 1 | 5 | 23 - 27 | -4 | 10 |
10. Hvíti riddarinn | 9 | 3 | 0 | 6 | 12 - 24 | -12 | 9 |
11. Vængir Júpiters | 9 | 2 | 1 | 6 | 21 - 27 | -6 | 7 |
12. KV | 9 | 2 | 0 | 7 | 12 - 27 | -15 | 6 |
Athugasemdir