Enska félagið Aston Villa hefur tilkynnt ráðningu á nýjum þjálfara kvennaliðsins en Hollendingurinn Robert De Pauw hefur tekið við starfinu og mun stýra liðinu næstu þrjú árin.
Breska ríkisútvarpið sagði á dögunum frá því að Elísabet Gunnarsdóttir væri einna líklegust til að taka við Aston Villa.
Carla Ward hætti með liðið eftir tímabilið og komu Elísabet og Joe Montemurro bæði til greina til að taka við af Ward.
Montemurro tók við liði Lyon í Frakklandi og var talið líklegast að Elísabet væri því að taka við Villa.
Í dag sendi Villa frá sér tilkynningu og kom þar fram að De Pauw væri nýr þjálfari liðsins, en hann gerði þriggja ára samning við félagið.
De Pauw þjálfaði síðast Bayer Leverkusen í Þýskalandi, en Karólína Lea Vilhjálmsdóttir lék undir hans stjórn á síðustu leiktíð.
Aston Villa Women are delighted to announce the appointment of Robert de Pauw as its new Manager. ?? pic.twitter.com/TylkPSSNqM
— Aston Villa Women (@AVWFCOfficial) June 29, 2024
Athugasemdir