Valur mætti Þrótti í undanúrslitaleik Mjólkurbikars kvenna fyrr í dag. Leikar enduðu með 3-0 sigri Vals og er því ljóst að þær leika til úrslita í Mjólkurbikarnum gegn Breiðablik, þann 16. ágúst. Pétur Pétursson þjálfari Vals mætti í viðtal eftir leik.
Lestu um leikinn: Valur 3 - 0 Þróttur R.
„Þetta var erfiður leikur við Þrótt, þær eru með gott lið en við sigldum þessu sem betur fer heim.
Þetta var fram og til baka sérstaklega í fyrri hálfleik, við fengum urmul færa í fyrri hálfleik líka. Mér fannst þetta vera hörkuleikur, bæði lið vildu komast á Laugardalsvöll."
Valur mætir Breiðabliki í úrslitaleik Mjólkurbikarsins.
„Það er frábært, tvö efstu liðin eins og staðan er í dag. Það verður skemmtilegur leikur."
Fanney Inga markvörður Vals stóð sig vel í dag, Fanney er fædd árið 2005.
„Fanney varði tvisvar í fyrri hálfleik mjög vel. Hún er ekki lengur efnileg, hún er frábær markvörður."
Viðtalið má sjá í heild sinni hér að ofan.
Athugasemdir
