Aron Sigurðarson lagði upp bæði mörk KR í gær, í bæði skiptin fann hann höfuðið á Kristjáni Flóka Finnbogasyni. Kristján Flóki hefur verið talsvert milli tannanna á þeim sem fylgjast með Bestu deildinni og hefur verið kallað eftir meira framlagi frá honum; fleiri mörkum.
Aron ræddi við Fótbolta.net í gær og var spurður út í Flóka.
Aron ræddi við Fótbolta.net í gær og var spurður út í Flóka.
Lestu um leikinn: KR 2 - 2 Fylkir
„Hann er geggjaður leikmaður, geggjað að spila með honum. Það er mikilvægt fyrir okkur að fá hann í gang, hann er búinn að spila lítið undanfarið. Núna er hann búinn að byrja tvo leiki og standa sig mjög vel," sagði Aron.
„Við viljum meira frá honum og meira frá öllu liðinu. Þá getum við gert fína hluti í næstu leikjum," sagði Aron.
Kristján Flóki er 29 ára framherji sem á að baki sex A-landsleiki. Hann hefur skorað þrjú mörk í sumar og skoraði sex mörk á síðasta tímabili.
Athugasemdir