„Það væri kraftaverk ef Kennie næði að spila á sunnudaginn," sagði Rúnar Kristinsson, þjálfari Fram, við Fótbolta.net í dag. Kenne Chopart, einn af lykilmönnum Fram, fór af velli rétt eftir að seinni hálfleikurinn gegn KA hófst síðasta sunnudag. Hann var ekki með liðinu sem lagði Vestra að velli í gær.
Kennie glímir við hnémeiðsli sem hafa hrjáð hann í rúmlega mánuð.
Kennie glímir við hnémeiðsli sem hafa hrjáð hann í rúmlega mánuð.
Lestu um leikinn: Vestri 1 - 3 Fram
„Það var ekki séns að hann gæti spilað í gær og það þarf eitthvað mikið að gerast í dag og á morgun ef hann á að geta spilað. Við tökum enga sénsa," sagði Rúnar. Næsti leikur Fram er gegn Víkingi á útivelli á sunnudagskvöldið.
Framarar endurheimta Kyle McLagan og Alex Frey Elísson úr leikbanni. Hlynur Atli Magnússon missti þá af leiknum í gær vegna veikinda.
Rúnar var spurður út í stöðuna á Orra Sigurjónssyni sem hefur fengið tvö slæm höfuðhögg síðustu mánuði og hefur einungis komið við sögu í einum leik á tímabilinu.
„Orri er aðeins byrjaður, farinn að skokka og tekur þátt í sendingaræfingum. Hann tekur ekki þátt í spili eða í neinum átökum, bara rétt að koma sér af stað," sagði Rúnar.
Athugasemdir