Dagný Brynjarsdóttir, fyrirliði West Ham, skoraði fimmta leikinn í röð er liðið tapaði fyrir Arsenal, 3-1, í WSL-deildinni á Englandi í dag.
Fyrirliðinn hefur verið á þvílíku flugi með Hömrunum á þessu tímabili og hjálpað liðinu í stigastöfnunni.
Hún kom West Ham á bragðið á 35. mínútu í dag eftir að leikmaður Arsenal átti slaka sendingu til baka og nýtti Dagný sér það og kom West Ham yfir. Hún skoraði stuttu fyrir það mark og það ansi laglegt mark með skalla en það var dæmt af vegna brots í aðdragandanum. Vafasöm dómgæsla þar.
Arsenal kom til baka í leiknum og náði að gera þrjú mörk. Dagný fékk gullið tækifæri til að gera annað mark sitt undir lokin en markvörður Arsenal sá við henni.
West Ham er í 7. sæti deildarinnar með 9 stig á meðan Arsenal er í 2. sæti með 15 stig.
WHO ELSE!!!!! 🔥🔥🔥#ARSWHU 0-1 (35) pic.twitter.com/U8joEkKfU4
— West Ham United Women (@westhamwomen) October 30, 2022
The goal should have definitely stand for Brynjarsdóttir. Awful WSL referring continues
— T (@footy_work) October 30, 2022
Athugasemdir