Davíð Kristján og hans menn í Kalmar töpuðu mikilvægum leik í Evrópubaráttunni
Milos Milojevic og hans menn í Rauðu stjörnunni eru með sjö stiga forystu á toppi serbnesku deildarinnar eftir 2-0 sigur á Kolubara í dag.
Milos tók við liðinu af vini sínum, Dejan Stankovic, í lok ágúst og hefur liðið gert fína hluti síðan.
Liðið hefur unnið síðustu átta deildarleiki og eru nú með þægilega forystu á toppnum.
Rauða stjarnan er með 44 stig á meðan Partizan er með 37 stig í öðru sæti deildarinnar.
Erfiður dagur hjá Davíð og Patrik
Íslenski landsliðsmarkvörðurinn Patrik Sigurður Gunnarsson stóð í rammanum hjá Viking sem tapaði fyrir nýkrýndum meisturum Molde í dag, 4-1.
Viking hefur aðeins unnið einn deildarleik síðan í júlí og er nú í 11. sæti deildarinnar með 34 stig. Liðið var í byrjun tímabils í baráttu um Evrópusæti.
Davíð Kristján Ólafsson var í byrjunarliði Kalmar sem tapaði fyrir Hammarby, 4-2, í sænsku úrvalsdeildinni. Davíð fór af velli á 67. mínútu.
Þessi leikur var stór fyrir Kalmar í baráttunni um Evrópusæti en Hammarby hefur nú með sigrinum svo gott sem tryggt sæti í Sambandsdeild Evrópu á næstu leiktíð. Kalmar á ekki lengur möguleika á að komast þangað í gegnum deildina.
Athugasemdir
