Unglingalandsliðskonan Ísabella Sara Tryggvadóttir heldur í dag á reynslu til danska úrvalsdeildarliðsins Fortuna Hjörring.
Ísabella er 16 ára gömul og hefur þrátt fyrir ungan aldur spilað 33 leiki fyrir meistaraflokk KR.
Hún hjálpaði liðinu að komast upp í Bestu deildina á síðasta ári og spilaði þá 16 leiki fyrir liðið í sumar og skoraði tvö mörk ásamt því að leggja upp fjölmörg mörk fyrir liðsfélaga sína.
Þá hefur hún spilað 19 landsleiki fyrir yngri landslið Íslands og skorað 7 mörk.
Ísabella þykir með efnilegustu leikmönnum Íslands en hún mun í dag halda á reynslu til danska úrvalsdeildarfélagsins Fortuna Hjörring og æfir hún með liðinu í viku.
Fortuna hefur ellefu sinnum unnið dönsku deildina.
Athugasemdir