Bikarmeistararnir töpuðu fjórða leik sínum á tímabilinu í gær er Leeds kom í heimsókn á Anfield.

Liðið er aðeins með 16 stig úr tólf leikjum en Klopp segist hafa meiri áhyggjur af því hvernig liðið er að spila en af sjálfu Meistaradeildarsætinu.

„Það er í raun ekki aðal áhyggjuefni mitt núna. Það er margt annað sem ég hef áhyggjur af, en ég er ekki það heimskur að ég viti ekki fjarlægðina og hvaða lið eru í þessum sætum."

„Við getum samt ekki komist í Meistaradeildina ef við erum eins óstöðugir og akkúrat núna. Við verðum að laga það og svo munum við sjá hvar við endum. Við vitum að allt er mögulegt eða í raun er margt mögulegt en til þess þurfum við að vinna leiki og við höfum ekki gert nógu mikið af því til þessa," sagði Klopp.