Pablo Mari, leikmaður Arsenal sem er á láni hjá Monza á Ítalíu, varð fyrir hnífaárás í verslunarmiðstöð í Mílanó á fimmtudaginn.
Mari horfði á veikan mann skera konu á háls meðan hann lá í sárum sínum eftir að hafa fengið hnífinn í bakið. Varnarmaðurinn fór í minniháttar aðgerð til að bjarga vöðvum í baki og var aldrei í lífshættu en verður frá keppni næstu mánuðina.
Nú voru að berast þær góðu fréttir að búið er að útskrifa Mari af sjúkrahúsinu en þetta staðfesti liðið hans, Monza.
Félagið segir í yfirlýsingu að nú kemur kafli þar sem Mari fær algjörlega hvíld til þess að jafna sig. Yfirlýsingin endar á þessum orðum:
„Pablo, við bíðum eftir þér!"
Talið er að leikmaðurinn verði frá í um tvo mánuði.
Athugasemdir
