Kantmaðurinn er á sinni fyrstu leiktíð með Leuven og hefur gert ágætis hluti til þessa.

Hann kom inn af bekknum í dag og tók hann aðeins tvær mínútur að láta áhorfendur rísa úr sætum sínum. Leuven var að sækja að marki þegar það kom heldur löng fyrirgjöf sem var á leið í innkast.

Jón Dagur hljóp á eftir boltanum og náði að pota honum aftur fyrir sig. Varnarmaðurinn kom á ferðinni í átt að íslenska landsliðsmanninum sem tók skemmtilega gabbhreyfingu og skildi um leið varnarmanninn eftir í reyk.

Því næst kom hann boltanum fyrir markið og var fyrirgjöfin nokkuð góð en enginn leikmaður Leuven mætti í teiginn til að ráðast á boltann.

Leuven jafnaði metin stuttu síðar úr vítaspyrnu og náði í stigið en tilþrif Jóns Dags má sjá hér fyrir neðan.