Luiz Inácio Lula da Silva, betur þekktur sem Lula, vann forsetakosningarnar í Brasilíu, Neymar og öðrum fylgjendum Jair Bolsonaro til mikils ama.
Það er mikil tvískipting í landinu á milli hægristefnu Bolsonaro og vinstristefnu Lula. Vinstrimenn eru smeykir um að Bolsonaro muni fremja valdarán til að halda forsetastólnum á meðan hægrimenn telja kosningasvindl hafa valdið þessari niðurstöðu.
Það sem vinstrimenn geta komið sér saman um er að þeir gefa ekki mikið fyrir pólitískar skoðanir fótboltamannsins Neymar, sem er yfirlýstur stuðningsmaður Bolsonaro.
Neymar er talinn skulda skatta í Brasilíu og á Spáni þar sem faðir hans og teymið í kring voru duglegir að stinga undan og svíkja þannig yfirvöld. Það eru ýmis málaferli í gangi gegn Neymar en engin niðurstaða hefur fengist í málið.
Bolsonaro gaf Neymar opinbert loforð um að afskrifa allar mögulegar skattaskuldir ef hann yrði kjörinn sem forseti aftur.
Fólkið í Brasilíu sem kaus Lula fagnaði á götunum eftir að niðurstöður forsetakosninganna komu í ljós. Einn söngurinn sneri að Neymar þar sem margir Brasilíubúar eru ósáttir með að svona ríkur einstaklingur sleppi við að borga skattana sem hann skuldar.
„Hey, Neymar, nú þarftu að tilkynna," söng fólkið á götunum og átti þá við að nú mun Neymar ekki lengur komast upp með að svíkja undan skatti.
