Það hefur vakið mikla athygli á samfélagsmiðlum að Íslendingur spreytti sig í sláarkeppni á leik Charlton og Ipswich í C-deildinni á Englandi um liðna helgi.
Dagur Jóhannsson var í ferð á Englandi með félögum sínum en þeir ákváðu að kíkja á leik Charlton og Ipswich síðastliðinn laugardag.
Fyrrum landsliðsmaðurinn Hermann Hreiðarsson lék með bæði Charlton og Ipswich. Í samtali við Vísi sögðu félagarnir frá því að þeir hefðu fengið Hermann með sér í lið. Þeir með honum og sendu hana út.
Í kjölfarið fengu þeir sæti í sérstakri VIP aðstöðu ásamt öðrum erlendum stuðningsmannahópum. Það var þarna haldinn sérstakur dagur fyrir erlenda stuðningsmannhópa og fengu Íslendingarnir af Akranesi að taka þátt í því.
Einn þeirra, Dagur, fékk svo tækifæri til að taka þátt í sérstakri áskorun í hálfleik.
„Um er að ræða sláarskotskeppni þar sem aðeins ein tilraun fæst, frá miðjuboga vallarins, og ef viðkomandi hittir í slá fær hann fimm þúsund pund í vasann og allir á vellinum fá frían bjór að auki," segir í grein Vísis.
Tilraun Dags hefur vakið mikla athygli á samfélagsmiðlum en hana má sjá hér fyrir neðan. Mjög svo fyndið en það má með sanni segja að hann hafi slegið í gegn í Dalnum, heimavelli Charlton.
Up the Addicks! @dagurj pic.twitter.com/Uvp4UwgC3N
— Birkir Guðmundarson (@BirkirGudmundar) October 30, 2022
Athugasemdir