Lögreglan í Manchester staðfestir í samtali við RÚV að rannsókn sé enn í gangi í máli Gylfa Þórs Sigurðssonar.
Ekki verða veittar nánar frekari upplýsingar fyrr en Gylfi verður ákærður eða málið látið niður falla. Hann var handtekinn og grunaður um kynferðisbrot gegn ólögráða einstaklingi
Ekki verða veittar nánar frekari upplýsingar fyrr en Gylfi verður ákærður eða málið látið niður falla. Hann var handtekinn og grunaður um kynferðisbrot gegn ólögráða einstaklingi
Gylfi hefur verið í farbanni frá því að málið kom upp um miðjan júlí á síðasta ári. Hann hefur ekki spilað fótbolta á þessum tíma og er án félags eftir að samningur hans við Everton rann út í sumar.
Sigurður Aðalsteinsson, faðir Gylfa, sagði í viðtali við Fréttablaðið að það geti ekki gengið í réttarríki að menn séu látnir dúsa í eitt og hálft ár erlendis án dóms og laga
„Eina sem ég er að segja er að ef einhver maður er kyrrsettur í einhverju landi fyrir eitthvað áætlað brot, þá geturðu ekki látið hann dúsa þar í eitt ár, eitt og hálft ár og beðið bara endalaust," segir Sigurður en fjölskylda Gylfa hefur leitað til utanríkisráðuneytisins í von um aðstoð.
Í skriflegu svari við fyrirspurn Fréttablaðsins á dögunum sagði ráðuneytið að sé grunur um refsiverða háttsemi Íslendings erlendis sé ráðuneytinu ekki heimilt að hafa afskipti af meðferð slíkra sakamála.
Athugasemdir