Víkingar hafa staðfest að þeir hafi mikinn áhuga á honum en Ágúst Gylfason, þjálfari Stjörnunnar, gat ekki staðfest áhuga á leikmanninum í viðtali síðastliðinn laugardag.

„Ég sá þetta bara á Fótbolta.net," sagði Gústi eftir sigurleik gegn KR um liðna helgi.

„Matti Villa er frábær leikmaður og með frábæran feril. Hann á einhver ár eftir, en við erum ekki búnir að tala við hann að ég held."

Það verður fróðlegt að sjá hvar Matthías endar, en hann skoraði níu mörk í 26 deildarleikjum í sumar. FH endaði í tíunda sæti Bestu deildarinnar.