Fótbolti.net

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

Bannað að mæta á stjórnarfund og var ráðinn í kjölfarið - „Mjög stoltur að félagið sé til í að veðja á mig"

Sverrir Ingi: Ef við viljum fara alla leið þá þurfum við að vera með okkar bestu menn

Leikplanið breytist þegar Orri meiðist - „Vorum ekki búnir að undirbúa okkur“

Jói Berg: Hareide verið flottur og það er uppgangur

Pirrandi hvernig við köstuðum þessu frá okkur - „Getur ekki kastað sér á bakvið það"

Aron telur Hareide á réttri leið - „Væri klárlega til í að sjá Norðmanninn áfram“

Andri Lucas: Stundum er fótboltinn svona, hann er ekki alltaf fallegur

Gulli Victor: Ég mæti hingað og er fagmaður

Orri Steinn hrósar varamönnunum: Breyta leiknum

Jón Dagur: Hann getur verið erfiður stundum

Jói Berg: Við gerðum þetta oft áður fyrr

Hákon: Hlaut einhver af þeim að hafa verið rangstæður

Logi svekktur að missa af leiknum gegn Wales: Var spenntur

Gripið í eistun á Stefáni - „Skil þetta ekki"

Mikael Egill: Ég sá bara Orra fagna í smettið á þeim

Age hreinskilinn: Fótbolti er fyndin íþrótt

Ísak: Nýtti það að vera smá reiður

Guðlaugur Victor: Hefur verið smá erfitt fyrir mig persónulega

sun 20. september 2015 18:42

Jóhann Ingi Hafþórsson
Frostaskjóli

Gary Martin: Búið að vera martröð - Hef ekki hugmynd hvort ég verði áfram

Gary Martin

Mynd: Fótbolti.net - Hafliði Breiðfjörð

Gary í kunnulegri stöðu.

Mynd: Fótbolti.net - Ómar Vilhelmsson

Gary Martin Framherji KR kom í ítarlegt viðtal við Fótbolta.net eftir 3-0 tap liðsins gegn Stjörnunni í dag.

Englendingurinn byrjaði á bekknum eins og svo oft áður í sumar og var löngu orðið ljóst að hann var ekki sáttur við það hlutskipti.

Við byrjuðum á leik dagsins og segir hann að rauða spjaldið sem Stefán Logi Magnússon, markmaður liðsins fékk hafi breytt leiknum.

Lestu um leikinn: KR 0 - 3 Stjarnan

„Rauða spjaldið breytti leiknum, áður en við misstum mann útaf var þetta jafn leikur. Þótt þeir séu að eiga lélega leiktíð þá eru þeir samt með toppleikmenn. Þegar þeir eru manni fleiri þá verða þeir betri"

Hann sá þó ekki atvikið.

„Nei en ég talaði við menn sem voru fyrir aftan markið og þeir sögðu að þetta væri víti. Rauða spjaldið var harður dómur."

Gary var spurður út í spilatímann sinn hjá KR í sumar.

„Þetta er búið að vera martröð fyrir mig. Ég er búinn að byrja sex leiki í deildinni. Ég er ekki búinn að standa mig en ég hef ekki verið að fá tækifæri. Þetta er búið að vera erfitt fyrir mig og við höfum ekki unnið titil. KR er byggt á velgengni. Þú getur samt ekki unnið deildina nema þú eyðir ruglað miklum peningum eins og FH. Þeir keyptu deildina."

Gary segist hafa fengið útskýringar um hvers vegna hann hefur ekki spilað meira en vildi ekki deila þeim.

„Já, en ég ætla ekki að deila þeim núna. Það er ástæða fyrir öllu. Ég verð að taka því, ég verð mikið sterkari á næstu leiktíð. Ég var markakóngur tvö ár í röð og nú fæ ég varla að spila, það eru vonbrigði."

Hann var síðan spurður hreint út hvort hann yrði ennþá hjá KR á næstu leiktíð.

„Ég skal vera hreinskilinn, ég veit það ekki. Ég er ekki ánægður með þessa leiktíð og það verður tekin ákvörðun eftir leiktíðina en mitt hreinskilnislega álit er að ég hef enga hugmynd. Ég verð að spila, fólk skiptir um félög. Ég hef enga hugmynd hvort ég verði áfram á Íslandi, ég hef enga hugmynd hvort ég fari út. Ég er bara 24 ára og á fullt af árum eftir."

Gary segist vilja vera að berjast um markakóngstitilinn.

„Þú sérð Patrick (Pedersen) og Jonathan Glenn, ég ætti að vera að berjast við þá."

Bjarni Guðjónsson hefur verið gagnrýndur fyrir að skipa um framherja á milli leikja og er Gary ekki hrifinn af því enda vill hann spila alla leiki.

„Ég ræð engu um það, ef ég fengi að velja þá myndi ég spila alla leiki."