Barcelona fékk Cancelo á láni frá Manchester City fyrir síðasta tímabil á meðan Felix kom frá Atlético Madríd.

Í gær kvaddi liðið leikmennina ásamt Marcos Alonso, en nokkrum klukkutímum síðar eyddi félagið tilkynningunum um Cancelo og Felix.

Talið er að Barcelona sé í viðræðum við bæði Atlético og Man City um leikmennina og því hafi verið ákveðið að eyða tilkynningunum en þetta sagði Fabrizio Romano á X.

Hansi Flick, nýr þjálfari Barcelona, er talinn spenntur fyrir hugmyndinni að halda Felix en hann telur sig geta náð því besta úr portúgalska landsliðsmanninum.