Ágúst Gylfason (til vinstri).
Ágúst Þór Gylfason mun halda áfram sem þjálfari Fjölnis á næsta tímabili en hann er með eins árs samning til viðbótar.
Ágúst stýrði Fjölnismönnum upp í Pepsi-deildina í fyrra og undir hans stjórn endaði liðið í 9. sæti í sumar þrátt fyrir að hafa verið í fallhættu fyrir lokaumferðina.
Ágúst stýrði Fjölnismönnum upp í Pepsi-deildina í fyrra og undir hans stjórn endaði liðið í 9. sæti í sumar þrátt fyrir að hafa verið í fallhættu fyrir lokaumferðina.
,,Við framlengdum samninginn um tvö ár í fyrra og það hefur ekkert annað verið rætt," sagði Kristján Einarsson formaður knattspyrnudeildar Fjölnis við Fótbolta.net í dag.
Kristján segir að markið sé sett hærra í Grafarvoginum næsta sumar.
,,Við ætlum að styrkja okkur. Við náðum markmiðinu í sumar og markmiðið á næsta ári hlýtur að vera meira en að hanga uppi. Við nennum þessu ekki aftur á næsta ári, að vera með hjartað í buxunum fram í 22. umferð," sagði Kristján og hló.
Athugasemdir
