Carlo Ancelotti svaraði spurningum á fréttamannafundi í dag fyrir leik Real Madrid á útivelli gegn Osasuna í spænsku deildinni á morgun.
Real þarf sigur í þeim leik til að halda toppsætinu þar sem Atlético Madrid er einu stigi á eftir í titilbaráttunni og Barcelona tveimur stigum á eftir.
Vinícius Junior er yfirleitt stórt umræðuefni á fréttamannafundum Real Madrid og var hann það aftur í dag, en kantmaðurinn á tvö og hálft ár eftir af samningi sínum við félagið.
„Ég er orðinn þreyttur á spurningum um samninginn hans Vinícius. Hann er hamingjusamur hjá félaginu og við erum ánægðir með hann. Þetta þarf ekki að vera flóknara," sagði Ancelotti.
„Ég hef ekki rætt við hann um nýjan samning og þessar spurningar eru ekki fyrir mig. Ég þjálfa fótboltaliðið, ég veit ekki hvort Vini ætli að fara til Sádi-Arabíu í framtíðinni. Það sem ég get séð er að Vini er ánægður hérna og að hann vill skrifa nafn sitt í sögubækurnar sem leikmaður Real Madrid. Það er það sem ég sé, meira veit ég ekki."
Ancelotti staðfesti einnig að varnarmennirnir öflugu Antonio Rüdiger og David Alaba geta tekið þátt í seinni leiknum gegn Manchester City í Meistaradeildinni. Sama á við um bakvörðinn Lucas Vázquez. Þeir misstu af fyrri leiknum sem vannst þó 2-3 á Etihad leikvanginum.
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Real Madrid | 28 | 18 | 6 | 4 | 59 | 27 | +32 | 60 |
| 2 | Barcelona | 27 | 19 | 3 | 5 | 75 | 27 | +48 | 60 |
| 3 | Atletico Madrid | 28 | 16 | 8 | 4 | 46 | 22 | +24 | 56 |
| 4 | Athletic | 28 | 14 | 10 | 4 | 46 | 24 | +22 | 52 |
| 5 | Villarreal | 27 | 12 | 8 | 7 | 49 | 38 | +11 | 44 |
| 6 | Betis | 28 | 12 | 8 | 8 | 38 | 35 | +3 | 44 |
| 7 | Mallorca | 28 | 11 | 7 | 10 | 28 | 34 | -6 | 40 |
| 8 | Celta | 28 | 11 | 6 | 11 | 41 | 41 | 0 | 39 |
| 9 | Vallecano | 28 | 9 | 10 | 9 | 31 | 31 | 0 | 37 |
| 10 | Getafe | 28 | 9 | 9 | 10 | 25 | 23 | +2 | 36 |
| 11 | Sevilla | 28 | 9 | 9 | 10 | 32 | 37 | -5 | 36 |
| 12 | Real Sociedad | 28 | 10 | 5 | 13 | 25 | 30 | -5 | 35 |
| 13 | Girona | 28 | 9 | 7 | 12 | 36 | 41 | -5 | 34 |
| 14 | Osasuna | 27 | 7 | 12 | 8 | 33 | 39 | -6 | 33 |
| 15 | Valencia | 28 | 6 | 10 | 12 | 31 | 46 | -15 | 28 |
| 16 | Espanyol | 27 | 7 | 7 | 13 | 26 | 39 | -13 | 28 |
| 17 | Alaves | 28 | 6 | 9 | 13 | 32 | 42 | -10 | 27 |
| 18 | Leganes | 28 | 6 | 9 | 13 | 26 | 43 | -17 | 27 |
| 19 | Las Palmas | 28 | 6 | 7 | 15 | 32 | 47 | -15 | 25 |
| 20 | Valladolid | 28 | 4 | 4 | 20 | 18 | 63 | -45 | 16 |
Athugasemdir
