Efri hluti:
Víkingur 3 – 1 KA (laugardagur 17:00)

Luigi með eitt, Djuric með tvö. Djuric búinn að sokka þó nokkuð marga meðal annars mig, hann er alvöru góður. Ég held hann verði sérstaklega góður núna þegar Víkingar hafa ekkert að spila fyrir og geta dottið í gamla góða kæruleysið og sleppt sér aðeins. Svo er Lui í alvörunni talað í biluðum focus, marg oft búinn að reyna að fá hann í studioið það heyrist ekki í honum eftir kl 23:00.

Mark KA skorar Sveinn Margeir. Spilaði móti honum í Dalvík hélt þetta væri einhver froða að norðan en hann var eins og Vieira.

Breiðablik 2 – 0 KR (laugardagur 19:15)

Blikar vinna 2-0 sigur í Magga Bö slagnum. Jason Daði skorar fyrsta markið enda ógeðslega góður í bolta og Dagur Dan með mark númer 2 en hann á auðvitað bara að taka fyrstu vél út eftir seinasta leik. Lið Blika er í það miklum focus og það vel drillað að þeir eru ekki hættir og hafa 100% fundið sér ný markmið eftir að hafa tryggt titilinn, geggjað að fylgjast með þeim og líka Ísleifi vini mínum sem fékk eitthvað starf þarna veit ekki hvað hann gerir en hann fundar stundum með Óla Kri.

Ég hins vegar fatta KR ekki neitt.

Valur 0 – 1 Stjarnan (sunnudagur 19:15)

Mest óspennandi leikur sögunnar. Held samt að Stjarnan muni stilla upp enn meira af ungum leikmönnum en þeir hafa gert hingað til sem verður það eina jákvæða við þennann leik og líka að Jóhann Árni mun skora fyrir Stjörnuna. Schram ver svona 23 skot.

Neðri hluti:
Leiknir 2 – 1 ÍA (laugardag 14:00)

Mikið af snillingum búnir að gagnrýna Sigga Höskulds fyrir að gefa út að hann sé að hætta eftir tímabilið. Hö hætti að þjálfa mig fyrir svona 10-12 árum ég er samt ennþá að fara eftir því sem hann segir. Bara guðanna bænum ekki þið hafa áhyggjur af honum.

Skaginn mun keyra upp óútskýranlega geðveiki fyrstu 15 mínúturnar sem mun auðvitað fjara út. Birgir Baldvins er minn uppáhalds leikmaður í Leiknis liðinu og sé fyrir mér mark frá honum og eitt frá Dalugge. Wöhler skorar fyrir Skagann.

Keflavík 2 – 2 FH (laugardagur 14:00)

Þetta verður einhvers konar bland af kæruleysi og andstuttum. Adam Páls er mjög góður í bolta og hann mun taka mikið til sín, ætla samt að segja að útlendingarnir skori. Matti Villa mun skora 2 fyrir FH liðið. Sindri Snær Magnússon mun fá glórulaust gult.

Fram 3 – 4 ÍBV (sunnudagur 17:00)

Gerist án gríns oft bara eitthvað í þessum Fram leikjum. Sumir hlutir breytast þó aldrei, Gummi Magg er geggjaður, Tiago og Frederico með gæði og færð alltaf eitthvað frá Alberti Hafsteins. ÍBV eru aftur á móti að keyra þetta á eldgömlu geðveikinni og það hefur virkað vel fyrir þá og munu skora 4 í leiknum. Hef einhverja tilfinningu fyrir því að Jón Ingason mun skora mjög skrýtið mark, fá hann í sig og inn eða skot sem fer í svona 3 og svo inn.