Thierry Henry er opinn fyrir því að stýra félagsliði á ný en hann stýrði franska landsliðinu til úrslita á Ólympíuleikunum í sumar þar sem liðið tapaði gegn Spáni.
Henry lagði skóna á hilluna árið 2014 og var þjálfari í akademíu Arsenal og síðar aðstoðarþjálfari belgíska landsliðsins. Hann hefur þjálfað Mónakó og Montreal í félagsliðaboltanum.
„Það er ekki vandamál fyrir mig að reyna fyrir mér hjá félagsliði, það verður bara að vera rétti staðurinn, ég þarf bara að meta stöðuna," sagði Henry í Monday Night Football á Sky í kvöld.
„Pep (Guardiola) hefur átt erfitt ár, fólk pælir ekki í því hvað þetta er erfitt fyrir fjölskylduna og krakkana þína. Svo verður þú reekinn og ferð heim og fólki er alveg sama hvað verður um þig og fjölskylduna."
Athugasemdir
