Kjartan Kári Halldórsson.
Kjartan Kári Halldórsson, sóknarmaður FH, er að vekja athygli erlendis frá.
Sagt var frá því í útvarpsþættinum Fótbolti.net síðasta laugardag að það væri félag í Búlgaríu á eftir honum.
Sagt var frá því í útvarpsþættinum Fótbolti.net síðasta laugardag að það væri félag í Búlgaríu á eftir honum.
„Hann átti stórkostlegt tímabil fyrir Fimleikafélag Hafnarfjarðar," sagði Tómas Þór Þórðarson í útvarpsþættinum.
„Það er áhugi frá Búlgaríu. Það er ekki komið það langt að hægt er að nefna félagið á nafn, en það er klárlega áhugi og spurning hvort FH sé að missa einn sinn besta mann."
Kjartan Kári er 21 árs gamall kantmaður sem er uppalinn hjá Gróttu og sló þar í gegn áður en hann fór til Haugesund í Noregi. Hann kom svo aftur heim og hefur leikið með FH undanfarin tvö tímabil.
Athugasemdir
