Carlo Ancelotti besti þjálfarinn
The Best verðlaunaafhendingu FIFA var að ljúka. Þar var kantmaðurinn knái Vinícius Junior valinn besti fótboltamaður heims.
Vinícius er lykilmaður í ógnarsterku liði Real Madrid sem hann leiddi til Spánarmeistaratitils og Meistaradeildartitils á síðustu leiktíð.
Vinícius kom að 35 mörkum í 39 leikjum á síðustu leiktíð og er tölfræðin hans á nýrri leiktíð enn betri - þar sem hann hefur komið að 22 mörkum í 20 leikjum á fyrri hluta tímabilsins.
Vinícius er 24 ára gamall og á 37 landsleiki að baki fyrir Brasilíu, þar sem hann hefur tekið þátt í 10 mörkum.
Þessi nafnbót er kærkomin fyrir Vinícius sem var afar vonsvikinn með að hljóta ekki Ballon d'Or verðlaunin í haust.
Carlo Ancelotti var þá valinn sem þjálfari ársins hjá FIFA fyrir að stýra Real Madrid til glæsilegrar tvennu.
Ancelotti var einnig valinn sem besti þjálfarinn á Ballon d'Or verðlaunaafhendingunni en mætti ekki á svæðið.
Athugasemdir
