Simon Rusk, bráðabirgðastjóri Southampton, segir að það verði mikill heiður að stýra liðinu gegn Liverpool en hann megi ekki láta tilfinningarnar hafa nein áhrif.
Liðin mætast á leikvangi heilagrar Maríu í kvöld klukkan 20, í 8-liða úrslitum deildabikarsins.
Liðin mætast á leikvangi heilagrar Maríu í kvöld klukkan 20, í 8-liða úrslitum deildabikarsins.
„Þetta er mikill heiður. Ég hef unnið fyrir félagið síðan í sumar og nú einbeiti ég mér að mínu starfi. Ég verð að hafa augun á boltanum og mitt markmið er að koma okkur áfram. Það er heiður að stýra liðinu í svona mikilvægum leik en tilfinningarnar mega ekki ráða ferðinni," segir Rusk sem er U21 þjálfari Southampton.
Southampton er í stjóraleit eftir að Russell Martin var rekinn. Samkvæmt veðbönkum er Danny Röhl líklegastur til að taka við Southampton en hann er í dag stjóri Sheffield Wednesday í Championship-deildinni. Kasper Hjulmand, fyrrum landsliðsþjálfari Danmerkur, er einnig orðaður við starfið.
Athugasemdir
