Neymar í treyju PSG.
Brasilíumaðurinn Neymar segir að stuðningsmenn Paris Saint Germain hafi verið ósanngjarnir í sinn garð á meðan hann hafi leikið fyrir félagið.
Neymar var keyptur á metupphæð til PSG árið 2017 og skoraði 118 mörk og átti 77 stoðsendingar í 173 leikjum fyrir félagið.
Hann vann fimm franska meistaratitla hjá félaginu en þar sem Meistaradeildartitillinn kom ekki hús, og hann var reglulega á meiðslalistanum, er hans framlag oft talað niður.
Neymar var keyptur á metupphæð til PSG árið 2017 og skoraði 118 mörk og átti 77 stoðsendingar í 173 leikjum fyrir félagið.
Hann vann fimm franska meistaratitla hjá félaginu en þar sem Meistaradeildartitillinn kom ekki hús, og hann var reglulega á meiðslalistanum, er hans framlag oft talað niður.
Neymar er nú hjá Al-Hilal í Sádi-Arabíu. Hann gekk í raðir félagsins í fyrra og er nýkominn í gang eftir enn ein meiðslin.
„Fyrsta árið í París var stórkostlegt ég fékk mjög góðar móttökur frá stuðningsmönnum. En síðustu tvö eða þrjú árin var það ekki eins, það var ekki sanngjarnt hvernig komið var fram við mig," segir Neymar.
Í maí í fyrra fór hópur af stuðningsmönnum PSG að heimili Neymar og kallaði eftir því að hann myndi koma sér burt.
„Það var farið yfir strikið. Það var ekki lengur virðing í sambandi okkar. Ég bar alltaf virðingu fyrir því en þetta var flókin staða. Það var sárt hvernig þeir komu fram við mig í lokin."
Athugasemdir
