Bæði lið höfðu verið án sigurs síðan í lok nóvember og mátti því búast við stál í stál í þessum leik.

Heimamönnum fengu fyrsta hættulega færið eftir rúmar tuttugu mínútur er Javi Puado, fyrirliði liðsins, hamraði boltanum í þverslá af stuttu færi.

Rétt eftir það gerði Diego Lopez slíkt hið sama á hinum enda vallarins.

Puado klúðraði einn á móti markverði undir lok hálfleiksins en náði að bæta upp fyrir það áður en flautað var til loka fyrri hálfleiks er hann stýrði fyrirgjöf Antoniu Roca í netið.

Lopez jafnaði metin fyrir Valencia snemma í síðari hálfleiknum og opnaðist leikurinn eftir það. Slæmar ákvarðanatökur á síðasta þriðjungi vallarins varð hins vegar til þess að mörkin urðu ekki fleiri.

Títtnefndur Lopez kom boltanum í netið undir lok leiks en markið var dæmt af vegna rangstöðu. Lokatölur 1-1 i fallbaráttuslag en Espanyol er í 18. sæti með 15 stig á meðan Valencia er í neðsta sæti með 11 stig.

Villarreal og Rayo Vallecano gerðu einnig 1-1 jafntefli. Alvaro Garcia kom Vallecano í forystu á 20. mínútu og bætti það gráu ofan á svart er Willy Kambwala, fyrrum leikmaður Manchester United, fékk að líta rauða spjaldið í liði Villarreal fyrir ljóta tæklingu á Oscar Valentin.

Manni færri tókst Villarreal að jafna er Ayoze Perez skoraði með laglegu skoti. Áttunda mark hans í deildinni á tímabilinu.

Heimamenn vörðust vel í síðari og náðu að halda út manni færri. Villarreal er í 5. sæti með 27 stig en Vallecano í 12. sæti með 21 stig.

Villarreal 1 - 1 Rayo Vallecano
0-1 Alvaro Garcia ('20 )
1-1 Ayoze Perez ('45 )
Rautt spjald: Willy Kambwala, Villarreal ('32)

Espanyol 1 - 1 Valencia
1-0 Javi Puado ('44 )
1-1 Diego Lopez Noguerol ('47 )