Henry Birgir Gunnarsson að lýsa leik.
„Greining í húsi. Vægt tveggja mínútna heilablóðfall. Er betri núna. Þakka sem höfðu áhyggjur og sýndu samúð," skrifar Henry Birgir Gunnarsson, íþróttalýsandi, í gríni á Twitter eftir að hafa aðeins orðið á í útsendingu frá leik Gróttu og Breiðabliks í kvöld.
Grótta og Breiðablik mættust í Pepsi Max-deild karla í kvöld og lýsti Henry leiknum á Stöð 2 Sport.
Áður en leikurinn hófst furðaði hann sig á því hvers vegna enginn væri mættur í stúkuna. „Hvar er fólkið? Það hlýtur að vera 'happy hour' í gleðitjaldinu. Þetta er ævintýralegt, það er enginn í stúkunni," sagði Henry Birgir áður en flautað var til leiks.
Hann taldi 15 manns í stúkunni sem ætti að passa því núna mega aðeins vera tíu frá hvoru félagi í stúkunni á fótboltaleikjum á Íslandi. Það er í gildi áhorfendabann vegna kórónuveirunnar. Henry hafði gleymt því um stundarsakir.
Hér að neðan má sjá skemmtilegt myndband.
Henrý Birgir alveg sjokkeraður á því hversu léleg mæting er á Vivaldi völl í kvöld pic.twitter.com/UAIE8mFhbm
— Óskar Smári (@oskarsmari7) August 21, 2020
Greining í húsi. Vægt tveggja mínútna heilablóðfall. Er betri núna. Þakka sem höfðu áhyggjur og sýndu samúð.
— Henry Birgir (@henrybirgir) August 21, 2020
Athugasemdir
