Thierry Henry, aðstoðarþjálfari belgíska landsliðsins, mun stýra liðinu gegn Hollandi í Þjóðadeild UEFA á sunnudag.
Roberto Martínez er aðalþjálfari belgíska landsliðsins en hann fékk að líta rauða spjaldið í uppbótartíma fyrir að koma í veg fyrir að velska landsliðið gæti tekið hratt innkast.
Þetta þýðir það að Martinez verður í banni í lokaleik liðsins gegn Hollendingum.
Henry, aðstoðarmaður Martínez, verður því á hliðarlínunni í þessum mikilvæga leik en Belgía þarf að vinna með þriggja marka mun eða meira til að komast í úrslitakeppnina.
Holland er í efsta sætinu með 13 stig á meðan Belgía er í öðru sæti með 10 stig. Holland vann fyrri leik liðanna, 4-1, í Belgíu.
Athugasemdir
