James Maddison var með fyrirliðabandið í 1-0 sigri Tottenham á AZ Alkmaar í Evrópudeildinni í kvöld en hann tók mikilvæga ákvörðun í leiknum sem skóp sigurinn.
Heung-Min Son, fyrirliði Tottenham, var ekki með liðinu í kvöld og þá var varafyrirliðinn Cristian Romero á bekknum. Maddison fékk því að vera með bandið í leiknum.
Hann var einn besti leikmaður liðsins og átti að fá vítaspyrnu í fyrri hálfleiknum en fékk ekki.
Lucas Bergvall tókst að sækja víti snemma í síðari hálfleiknum og var það Maddison sem tók boltann.
Richarlison, sem var að stíga upp úr meiðslum og hafði ekki enn skorað á tímabilinu, óskaði eftir því að taka spyrnuna en Maddison hafnaði beiðninni.
Maddison hugsaði sig um í hálfa mínútu áður en hann tók ákvörðun um að leyfa Richarlison að taka spyrnuna. Brasilíumaðurinn skoraði og tryggði Tottenham sigurinn, en Maddison taldi þetta bestu ákvörðunina í stöðunni.
„Við vildum báðir taka spyrnuna. Ég er einn af eldri leikmönnum liðsins og var með fyrirliðabandið í dag. Ég ætlaði að taka vítið, en hugsaði síðan um Richy, sem var ný kominn úr meiðslum og það getur alltaf verið erfitt, og þá sérstaklega fyrir sóknarmann. Ég tók þessa ákvörðun því á augabragði,“ sagði Maddison í viðtali eftir leikinn.
FT: Tottenham 1-0 AZ Alkmaar
— Football Confidential ???? (@footballconfid1) October 24, 2024
Captain James Maddison won the debate over the pen… then saw the bigger picture and handed the ball back to Richarlison… that’s leadership! ????????
Via: @LeeMcQueen #THFC #COYS ??????????????? #TOTAZApic.twitter.com/JB06i8nLEE
Athugasemdir
