Jose Mourinho rökræðir hér við Clement Turpin í leiknum
Jose Mourinho, þjálfari Fenerbahce, mátti til með að senda kaldhæðið hrós á dómarann Clement Turpin, eftir 1-1 jafnteflið gegn Manchester United í Istanbúl í kvöld.
Mourinho var rekinn upp í stúku snemma í síðari hálfleik fyrir að mótmæla ákvörðun dómarans um að gefa Fenerbahce ekki vítaspyrnu.
Portúgalinn lét vel valin orð falla í garð dómarans og fékk rautt spjald fyrir.
„Hann sagði mér svolítið ótrúlegt. Hann sagði mér að á sama tíma og hann sá hvað gerðist í teignum þá sá hann einnig viðbrögð mín á hliðarlínunni. Hann var með eitt auga á því sem gerðist í teignum og annað á bekknum og hegðun minni. Þetta er ástæðan fyrir því að hann er einn besti dómari heims! sagði Mourinho kaldhæðinn.
Athugasemdir
