Portúgal var búið að tryggja sér sæti í 16-liða úrslitin á EM fyrir leikinn gegn Georgíu í kvöld og voru margir sterkir leikmenn hvíldir. Georgía vann leikinn 2-0 og komst áfram á sínu fyrsta stórmóti.
Cristiano Ronaldo var einn þriggja leikmanna sem hélt sæti sínu en þessum 39 ára gamla leikmanni mistókst að skora í kvöld. Þetta var í fyrsta sinn í riðlakeppni á stórmóti sem hann skorar ekki í riðlakeppni.
Eftir hálftíma leik fékk Ronaldo að líta gula spjaldið þegar hann brást illa við að hafa ekki fengið vítaspyrnu þegar hann var rifinn niður í teignum. Hann var síðan tekinn af velli eftir rúmlega klukkutíma leik en hann var sýnilega mjög pirraður.
Ronaldo hefur tækifæri til að skora sitt fyrsta mark á mótinu þegar Portúgal mætir Slóveníu í 16-liða úrslitunum mánudaginn 1. júlí. Hann er markahæsti leikmaður sögunnar á EM með 14 mörk.
0 - Cristiano Ronaldo has failed to score in the group stage of a major international tournament (World Cup/EUROs) for the first time in his career. Frustration. #EURO2024 pic.twitter.com/47DGxybAs4
— OptaJoe (@OptaJoe) June 26, 2024