John Cross, yfirmaður fótboltaskrifa hjá Daily Mirror, segist alls ekki búast við því að Gareth Southgate landsliðsþjálfari Englands geri margar breytingar á byrjunarliði sínu fyrir leikinn gegn Slóvökum í 16-liða úrslitum á sunnudag.
Mögulega verði það bara innkoma Kobbie Mainoo fyrir Conor Gallagher.
Mögulega verði það bara innkoma Kobbie Mainoo fyrir Conor Gallagher.
„Mainoo var virkilega góður í seinni hálfleiknum gegn Slóveníu. Hann virtist alltaf horfa fram völlinn og hjálpaði Englandi betur að ná stjórn á leiknum," segir Cross.
Hann segist þá vilja sjá tekna áhættu með standið á Luke Shaw og hann settur inn í bakvörðinn því það sé svo mikið ójafnvægi í liðinu án náttúrulegs vinstri bakvarðar.
„Kieran Trippier hefur staðið fyrir sínu en hann leitar alltaf inn og það hjálpar ekki Bellingham. Öll umræða um að Bukayo Saka gæti spilað vinstri bakvörð er fáránlegt. Horfið á tölfræðina hans. Hann er leikmaður ársins hjá enska landsliðinu og af hverjiu að taka lykilmann úr sinni stöðu?"
„Það er algjört lykilatriði fyrir England að ná því besta út úr Jude Bellingham og ég myndi halda trausti á bestu leikmennina. Það væri gaman að sjá Cole Palmer koma inn en ég held að hann verði frábær af bekknum."
Svona vill Cross sjá byrjunarlið Englands:
Pickford; Walker, Stones, Guehi, Shaw; Rice, Mainoo, Bellingham; Saka, Foden, Kane.
Athugasemdir