„Mér líður illa. Við þurfum að fara að vinna á heimavelli. Við áttum meira skilið út úr þessu. Við vorum lélegir að hafa ekki fengið neitt út úr þessu.“ sagði Aron Sigurðarson, leikmaður KR eftir 2-2 jafntefli gegn Fylki á heimavelli.
Lestu um leikinn: KR 2 - 2 Fylkir
KR komst tvisvar yfir en náðu samt ekki að vinna sem hlýtur að vera frústrerandi.
„Það er ógeðslega pirrandi. Þetta eru léleg mörk sem við erum að fá á okkur, sérstaklega seinna markið. Þetta er mjög pirrandi.“
Alltaf er verið að ræða um þessi klaufalegu mörk sem KR er að fá á sig. Hvað þarf að laga eða gera betur?
„Við þurfum að verjast betur sem lið. Allt liðið gat varist miklu betur í öðru marki Fylkis. Það er einbeitingarleysi. Ég veit það ekki maður.“
Pálmi og Bjarni hafa komið vel inn í hlutina segir Aron.
„Ég er mjög ánægður með Pálma og Bjarna, þeir eru með áhugaverðar pælingar. Við gerðum mjög vel á móti Víking og mér fannst við gera vel stóran hluta af leiknum í dag. En það er ekki spurrt af því. Við þurfum að verjast betur. Við erum með þennan leik í teskeið í fyrri hálfleik, við eigum að vera meira en einu marki yfir. Við eigum að halda þetta út þegar við komumst yfir í seinna skiptið, og bæta í. Ekki að reyna að halda í einhverja forystu. Ef við hefðum unnið seinustu tvo leiki hefðum við kannski náð einhverju út úr þessu.“
Aron var spurður hvort að einn sigur gæti gefið KR-liðinu þann kraft sem það þarf til þess að fara á gott skrið í deildinni.
„Það gerðist ekki síðast þegar við unnum FH og mættum svo Vestra hérna á heimavelli og gerðum jafntefli. Hann á að gera það. Við eigum samt ekki að vera að bíða eftir einhverjum sigri. Við eigum að gera þetta sjálfir. Mæta á æfingar og æfa vel, fá alvöru tempó á æfingum og taka það með okkur inn í leikinn. Það þarf ekkert alltaf að vera einhver sigurleikur. Þetta snýst svo bara um hausinn hjá okkur.“ sagði Aron.
Viðtalið við Aron í heild sinni má sjá í spilaranum hér að ofan.
