Undanúrslitin í Mjólkurbikar kvenna fara fram í dag og á morgun. Hvaða lið fara á Laugardalsvöllinn?
Við fengum Óskar Smára Haraldsson, þjálfara Fram, til að spá í undanúrslitaleikina tvo.
Við fengum Óskar Smára Haraldsson, þjálfara Fram, til að spá í undanúrslitaleikina tvo.
Þór/KA 1 - 2 Breiðablik (19:45 í kvöld)
Hörkuleikur þar sem úrslit munu ráðast í lok framlengingar. Blikar með boltann en agaður og góður varnarleikur norðanstúlkna verður öflugur. Sandra María kemur Þór/KA yfir, en sjóðheit Katrín Ásbjörns mun halda áfram að skora og jafnar leikinn. Heiða Ragney mun síðan skora sigurmarkið í uppbótartíma framlengingar með hörkuskalla.
Valur 2 - 1 Þróttur R. (13:00 á morgun)
Hörkuleikur sem ég held að Valur muni klára í lokin. Þróttur hefur náð að tengja góða frammistöðu með sigrum undanfarið og eru stórskemmtilegar. Valur hafa þurft að fara erfiðu leiðina í undanúrslitin en höndluðu pressuna vel gegn Fram og Grindavík og klára þennan leik líka, þó líklegast ekki með meiru en einu marki. Jasmin og Anna Rakel setja mörk Vals, á meðan Kristrún skorar fyrir Þrótt með skalla.
Valur - Breiðablik úrslitaleikur í bikarnum þetta árið.
Athugasemdir