Sex leikir fara fram í riðlakeppni Copa America um helgina en lærisveinar Heimis Hallgrímssonar í Jamaíku ljúka keppni gegn Venesúela.
Í kvöld mætast Kólumbía og Kosta Ríka í D-riðli. Kólumbía er á toppnum með 3 stig en Kosta Ríka eitt stig. Paragvæ spilar þá gegn Brasilíu þremur tímum síðar.
Á morgun fara tveir leikir fram um miðnætti, nánar tiltekið aðfaranótt sunnudags. Argentína mætir Perú á meðan Kanada spilar við Síle. Argentína er komið áfram í 8-liða úrslit.
Aðfaranótt mánudags ljúka Heimir Hallgrímsson og lærisveinar hans í Jamaíku keppni er þeir mæta Venesúela. Jamaíka hefur tapað báðum leikjum sínum í keppninni og er ljóst að liðið fer ekki áfram í 8-liða úrslit. Venesúela er á toppnum í B-riðli með 6 stig.
Mexíkó spilar þá við Ekvador en bæði lið eru með þrjú stig.
Leikir helgarinnar:
Föstudagur:
22:00 Kólumbía - Kosta Ríka
01:00 Paragvæ - Brasilía (Aðfaranótt laugardags)
Laugardagur:
00:00 Argentína - Perú (Aðfaranótt sunnudags)
00:00 Kanada - Síle (Aðfaranótt sunnudags)
Sunnudagur:
00:00 Jamaíka - Venezuela (Aðfaranótt mánudags)
00:00 Mexíkó - Ekvador (Aðfaranótt mánudags)
Athugasemdir