Miðjumaðurinn Aron Elís Þrándarson var ekki í leikmannahópi Víkings þegar liðið rúllaði yfir Stjörnuna 4-0 í Garðabænum í gær. Arnar Gunnlaugsson þjálfari Víkings var spurður út í stöðuna á Aroni í viðtali eftir leikinn.
„Það er kannski í því tæpasta að hann geti verið með í Stjörnuleiknum (í bikarnum) en hann ætti að vera klár í Evrópuleikinn þann níunda," svaraði Arnar.
Aron er einn besti leikmaður Bestu deildarinnar og var valinn í úrvalslið umferða 1-11 í Innkastinu á dögunum.
Davíð Örn Atlason var ekki heldur með í leiknum í gær en hann ætti mögulega að ná næsta leik.
„Það er kannski í því tæpasta að hann geti verið með í Stjörnuleiknum (í bikarnum) en hann ætti að vera klár í Evrópuleikinn þann níunda," svaraði Arnar.
Aron er einn besti leikmaður Bestu deildarinnar og var valinn í úrvalslið umferða 1-11 í Innkastinu á dögunum.
Davíð Örn Atlason var ekki heldur með í leiknum í gær en hann ætti mögulega að ná næsta leik.
Lestu um leikinn: Stjarnan 0 - 4 Víkingur R.
Það er mikið leikjaálag hjá Íslandsmeisturunum. Víkingur mætir Fram í Bestu deildinni á sunnudag og leikur svo gegn Stjörnunni í undanúrslitum Mjólkurbikarsins á miðvikudaginn.
Þriðjudaginn 9. júlí er svo komið að fyrri leiknum gegn Shamrock Rovers í forkeppni Meistaradeildarinnar. Víkingar byrja það einvígi á heimavelli.
Athugasemdir