Viðar Ari Jónsson var á skotskónum í 2-1 sigri Ham/Kam á Sandefjord í norsku úrvalsdeildinni í dag. Þetta var annað deildarmark hans á tímabilinu.
Fyrrum Fjölnismaðurinn var eins og venjulega í byrjunarliði Ham/Kam en hann gerði mark sitt á 9. mínútu leiksins eftir darraðadans í teignum.
Gestirnir áttu aukaspyrnu inn í teiginn og endaði hann fyrir lappir Viðars sem smellti honum efst í vinstra hornið.
Brynjar Ingi Bjarnason kom inn af bekknum hjá Ham/Kam þegar hálftími var eftir af leiknum en þá var staðan 2-1 fyrir gestina.
Íslendingarnir héldu út og 2-1 sigur staðreynd. Ham/Kam er í 10. sæti með 13 stig eftir þrettán leiki.
Athugasemdir