Magnús Már Einarsson þjálfari Aftureldingar

Mynd: Raggi Óla

„Hrikalega ánægður og stoltur af strákunum. Sérstaklega kannski fyrst að við komumst í 2-0 og svo jafna þeir 2-2. Karakterinn í liðinu og liðsheildin að ná að snúa þessu síðan aftur í restina og við erum gríðarlega öflugir hérna síðustu 20 mínúturnar og frábær innkoma hjá þeim sem komu inná og bara liðsheildin sem að skóp þetta í dag, það er enginn spurning." Sagði Magnúr Már Einarsson eftir sigurinn í kvöld.

„Aðstæðurnar voru nátturlega erfiðar í dag, það er enginn spurning fyrir bæði lið. Það var vindur og hann var í allar áttir einhvernveginn og við byrjum þetta bara mjög sterkt og vildum koma sterkir inn í leikinn og frá byrjun að sjálfssögðu." 

Þrátt fyrir að Njarðvíkingarnir hefðu náð að koma tilbaka og jafna leikinn í 2-2 fór ekkert um Magnús Már á hliðarlínunni.

„Nei, satt best að segja ekki. Afþví að ég veit hvað býr í þessum strákum. Ég hef svo ótrúlega trú á þessum hóp og þessum strákum sem að við erum með að ég hafði bara trú á því að við myndum finna sigurmark og svo komu þau í fleirtölu. Ég hafði allan tíman trú á því." 

Afturelding var eins og áður kom fram búið að tapa síðustu tveim leikjum sínum áður en það kom að leiknum í kvöld svo það var gríðarlega sterkt að ná sigri gegn toppliðinu í kvöld.

„Mjög sterkt og sýnir bara karakterinn í hópnum. Nú viljum við meira, við viljum miklu meira en þetta. Einn sigurleikur og frábær leikur í dag en það er leikur strax á fimmtudaginn þannig við þurfum bara að undirbúa okkur af fagmennsku og vera klárir á fimmtudaginn. Það er erfiður leikur á móti ÍR í Breiðholtinu og við þurfum að mæta klárir þar.