Ipswich Town festi í kvöld kaup enska vængmanninum Omari Hutchinson en hann kemur til félagsins frá Chelsea fyrir metfé eða 18 milljónir punda.
Þessi 20 ára gamli leikmaður var á láni hjá Ipswich á síðustu leiktíð er liðið komst upp í ensku úrvalsdeildina.
Ipswich náði á dögunum samkomulagi við Chelsea um kaup á Hutchinson og skrifaði hann í kvöld undir langtímasamning við félagið en hann er nú dýrasti leikmaður í sögu félagsins.
Félagið greiðir 18 milljónir punda en sú upphæð gæti hækkað ef hann nær ákveðnum áföngum.
Hutchinson, sem er fæddur og uppalinn á Bretlandseyjum, er landsliðsmaður Jamaíku, en hann á að baki 2 landsleiki undir stjórn Heimis Hallgrímssonar.
We are delighted to announce the signing of Omari Hutchinson on a permanent deal for a Club record fee.
— IPSWICH TOWN (@IpswichTown) June 30, 2024
Athugasemdir